ვლადიკავკაზში მომხდარი ტერაქტის შედეგად ერთ-ერთი დაღუპული საქართველოში გადმოსვენების საკითხები ქართულ მხარესთან უკვე შეთანხმებულია. ამის შესახებ "ჯი-ეიჩ-ენს" თბილისის საპატრულო პოლიციის უფროსმა გიორგი გეგეჭკორმა განუცხადა.
მისი თქმით, ცხედრის გადმოსვენებასთან დაკავშირებით ჩრდილოეთ ოსეთის მხარემ ნებართვა 17 სექტემბერს ითხოვა.
ამ დროისთვის გარდაცვლილის ვინაობა კვლავ უცნობია. შეგახსენებთ, რომ ვლადიკავკაზში მომხდარი ტერაქტის დროს ერთ-ერთი დაშავებულს, რომელიც 16 სექტემბერს მოსკოვის ვიშნევსკის სახელობის ქირურგიულ ინსტიტუტში გარდაიცვალა საქართველოში გადმოასვენებენ.
ჩრდილოეთ ოსეთის პრეზიდენტის სპიკერის ირბეკ დოევის განცხადებით, გარდაცვლილს დღეს ჩრდილოეთ ოსეთში გადასვენებენ, საიდანაც მისი საქართველოში გადასვენება მოხდება.
"აეროპორტ "ვლადიკავკაზში" თვითმფრინავს სპეციალური ტრანსპორტი დახვდება, რომლითაც გარდაცვლილი ქალბატონს საქართველოში გადაასვენებს", - განაცხადა მან.
ვლადიკავკაზის ბაზარში მომხდარ ტერაქტს, ბოლო ინფორმაციით, 18 ადამიანის სიცოცხლე შეეწირა. ჩრდილო ოსეთის შს სამინისტროს მონაცემებით, აფეთქების სიმძლავრე 30-40 კილოგრამი ტროტილის ექვივალენტი იყო.
