საფრანგეთის თავადაცვის მინისტრმა ერვე მორენმა ნიუ-იორკში, გაერთიანებული ერების ორგანიზაციის შტაბ-ბინაში რუსეთისთვის "მისტრალის" მიყიდვის მხარდასაჭერი განცხადებები გაკეეთა და უარყო მოსაზრება, რომ აღნიშნული გარიგება საქართველოს უსაფრთხოებას პრობლემებს შეუქმნის.
ეს საკითხი საფრანგეთის თავდაცვის უწყების ხელმძღვანელმა გაეროს გენერალურ მდივანთან პან გი მუნთან შეხვედრისას განიხილა.
"რუსეთი _ ეს არ არის საბჭოთა კავშირი. ამას გარდა, ჩვენ შეგვიძლია თუნდაც წამით ვივარაუდოთ, რომ რამდენიმე გემის გაყიდვას შეუძლია მნიშვნალოვნად შეცვალოს ძალთა ბალანსი, საქართველოსა და რუსეთს შორის არსებული სტრატეგიული სიტუაცია?", - განაცხადა მორენმა.
მან ასევე აღნიშნა, რომ ანალოგიური არგუმენტები მოუყვანა ნატოს იმ ქვეყნებს, რომლებიც შეშფოთებას გამოთქამენ რუსეთისათვის "მისტრალის" მიყიდვის გამო და თან ხაზს უსვამენ მოსკოვთან დიალოგის აუცილებლობას, მათ შორის სამხედრო და უსაფრთხოების საკითხებში
შეგანხსენებთ, რომ ვეროპარლამენტი საფრანგეთს რუსეთისათვის "მისტრალის" შესაძლო მიყიდვის გამო აკრიტიკებს.
მოსკოვი კი რამდენიმე თვეა საფრანგეთთან ვეტმფრენმზიდების შეძენაზე მოლაპარაკებებს აწარმოებს. საბოლოო გადაწყვეტილებს თუ ვისგან შეიძენს მოსკოვი გემებს წლის ბოლოს გახდება ცნობილი, როდესაც გამოცხადებული ტენდერი დასრულდება. ერთი "მისტრალი" რუსეთს 400-500 მილიონი ევრო დაუჯდება.
უნდა აღინიშნოს, რომ საფრანგეთის თავდაცვის მინისტრი არასოდეს გამოირჩეოდა საქართველოს მიმართ ლოლიალური განწყობით. მან ერთ-ერთმა პირველმა, 2007 წლის შემოდგომაზე გაახმოვანა. რომ საქართველოსთვის მაპის მინიჭების წინააღმდეგია, რაც შემდეგ ოფიციალური პარიზის პოზიციად ბუქარესტის სამიტზეც დადასტურდა.
