დღეს, 3 მაისს ეკონომიკისა და მდგრადი განვითარების სამინისტრო და USAID –ის პროექტი „მმართველობა განვითარებისთვის“ (G4G) გამართავენ კონფერენციას: „ბლოკჩეინ ტექნოლოგია ენერგეტიკის სექტორში“.
ღონისძიების მიზანია ცნობიერების ამაღლება ბლოკჩეინ ტექნოლოგიის, კერძოდ, მისი ელექტროენერგიის ბაზრის ოპერირების პროცესში გამოყენების შესახებ. კონფერენციაზე განხილული იქნება საქართველოს ელექტროენერგიის ბაზრისთვის მომზადებული დოკუმენტის მთავარი მიგნებები და ანგარიშსწორების პროცედურებისათვის შექმნილი ბლოკჩეინის პროტოტიპი.
კონფერენციას დაესწრებიან საქართველოს მთავრობის, ენერგეტიკის სექტორისა და საერთაშორისო დონორი ორგანიზაციების წარმომადგენლები.
