"როდესაც ჩვენ გვეყოლება ხუთი მილიონი ტურისტი, ქართული ღვინის 80 % მთლიანად დაილევა საქართველოში, ისევე როგორც ბერძნულ ღვინოს სვამენ საბერძნეთში", _ განაცხადა საქართველოს პრეზიდენტმა მიხეილ სააკაშვილმა დღეს კახეთში, სოფელ კისისხევში სასტუმრო კომპლექსის გახსნაზე.
მისი თქმით, ასეთი სასტუმროების ქსელი ნიშნავს იმას, რომ ტურისტული პოტენციალი, რომელიც არასოდეს საბჭოთა დროს სათანადოდ არ იყო გამოყენებული, როგორც იქნა, გამოყენებულ იქნება კახეთში.
"აქ ჩამოვა უამრავი ტურისტი რუსეთიდან, ევროპიდან, უკრაინიდან, არაბული ქვეყნებიდან, ამერიკიდან. ეს არის უამრავი ადამიანის დასაქმება, ეს არის უამრავი ოჯახის შემოსავალი, ჩვენი ქვეყნის რეკლამა, ბრენდი და დიდება", _ განაცხადა სააკაშვილმა.