საქართველოს პრეზიდენტ მიხეილ სააკაშვილის განცხადებით, საზღვარგარეთ ქართული ღვინის სარეკლამო კამპანიის დაწყება იგეგმება.
"შარშან კახეთში ყურძნის მთელი მოსავალი გაიყიდა და წელსაც გაიყიდება. ქვეყანაში შემოდის ახალი, უცხოური ინვესტიციები და უხარისხო ღვინოს საზღვარგარეთ სწორედ ეს ხარისხიანი ღვინო ჩაანაცვლებს", - განაცხადა სააკაშვილმა სოფელ კისისიხევში ახალი სასტუმრო კომპლექსის გახსნაზე.
მისი თქმით, ადრე ქართულ მხარეს პრობლემები ექმნებოდა, რადგან საზღვარგარეთის ქვეყნებში ქართული ღვინის ფალსიფიცირება ხდებოდა.
"ბულგარეთში ქართულ ღვინის წარმოებასთან დაკავშირებთ არაერთი სასამართლო პროცესი მოვიგეთ. ჩვენს ღვინოს აღარ ასხამენ რუსეთში და სხვა ქვეყნებში. ერთადერთი, ვინც ახლა ჩვენი ღვინის სახელს აფუჭებს, არის უხარისხო ღვინის ქართველი მწარმოებელი, რომელიც უნდა ახლით ჩავანაცვლოთ", - განაცხადა სააკაშვილმა და დასძინა, რომ ახლა ინვესტორებს საქმიანობა ბაზრის ხანგძლივი პერიოდით დაკავებაზე აქვთ გათვლილი და არა "ფულის მოტეხაზე".
"ამ კუთხით ბერი რამ აქვს გასაკეთებელი სოფლის მეურნეობის სამინისტროს. საზღვარგარეთ დავწყებთ ქართული ღვინის რეკლამირებას, მაგრამ ეს უნდა იყოს მაღალი ხარისხის, რომ სახელმწიფომ გაუწიოს მას დახმარება", - განაცხადა სააკაშვილმა.
