ბათუმის მუნიციპალური ინფრასტრუქტურის რეაბილიტაციის პროექტის მეოთხე ფაზის ფარგლებში, 60 მლნ ლარის ღირებულების პროექტს მოეწერა ხელი.
პროექტი ითვალისწინებს:
წყლის სისტემების რეაბილიტაციასა და წყალმომარაგების რეზერვუარის მშენებლობას გონიო-კვარიათის დასახლებაში
წყალარინების სისტემების რეაბილიტაციას ლეონიძის, ხახულის, აღმაშენებლის, კობალაძის, ფიროსმანის, ინასარიძის ქუჩების მიმდებარე ტერიტორიაზე (ჯავახიშვილის ქუჩიდან მდინარე მეჯინისწყლამდე).
ხელშეკრულებას ბათუმის მერმა ლაშა კომახიძემ და ტენდერში გამარჯვებული კომპანიის „ფაიფერ ფაიფერის“ წარმომადგენელმა ქრისტიან შორნიმ მოაწერეს ხელი.
