IFC -მ საქართველოში ახალი პროექტის განხორციელება დაიწყო, რომელიც ქართული ბიზნესისთვის საგადასახადო ტვირთის შემცირებას ითვალისწინებს.
IFC -ის საგადასახადო პროექტი საქართველოში, რომელიც სწორედ მიკრო, მცირე და საშუალო საწარმოებზე იქნება ორიენტირებული, მიზნად ისახავს შეამციროს საგადასახადო ტვირთი გადასახადების გამარტივების, რისკზე დაფუძნებული აუდიტის სისტემის გაუმჯობესების, ჯარიმების უფრო რაციონალური გამოყენებისა და საგადასახადო გასაჩივრების სისტემის გამარტივების მეშვეობით.
"ბოლო თვეების განმავლობაში ფინანსთა სამინისტრომ ბიზნესსაზოგადოებასთან ერთად სერიოზული მუშაობა გასწია საგადასახადო სფეროს რეფორმირებისა და შემდგომი ლიბერალიზაციის მიმართულებით. მსურს კიდევ ერთხელ მადლობა გადავუხადო IFC -ის თანამშრომლობისათვის. სწორედ მათი ექსპერტების დახმარებით მოხდა ახალ კანონმდებლობაში საერთაშორისო ანალოგების ასახვა და იმ დებულებების შეტანა, რომლებიც ხელს შეუწყობს ბიზნესს, მათ შორის, მცირე და საშუალო ბიზნესს",- განაცხადა ფინანსთა მინისტრმა კახა ბაინდურაშვილმა.
საქართველოში საგადასახადო სფოროში ბოლო ხანს მნიშვნელოვანი რეფორმები გატარდა, რაც საწარმოებისთვის საგადასახადო ტვირთის შემცირებასა და ქვეყანაში ბიზნეს გარემოს გაუმჯობესებას ისახავდა მიზნად. მსოფლიო ბანკის ჯგუფისა და ევროპის რეკონსტრუქციისა და განვითარების ბანკის მიერ 2008 წელს ჩატარებული კვლევის თანახმად, იმ მცირე საწარმოების წილი, რომლებიც მთავარ შემაფერხებელ ფაქტორად საგადასახადო ადმინისტრირებას ასახელებენ, რამდენჯერმე აღემატება საშუალო და დიდი კომპანიების...წილს.
`საქართველოს მთავრობა მსოფლიოში ერთ-ერთი ყველაზე აქტიური რეფორმატორია და მოხარულნი ვართ ჩვენი მხარდაჭერა და გამოცდილება შევთავაზოთ მას, რათა კიდევ უფრო მეტად გაუმჯობესდეს ბიზნეს გარემო ქვეყანაში მცირე და საშუალო საწარმოებისთვის,"- აცხადებს IFC -ის წარმომადგენელმა კავკასიაში თომას ლუბეკი.
საქართველო IFC ის აქციონერი და წევრი 1995 წელიდან გახდა. მას შემდეგ 35 პროექტში IFC -ის თითქმის 500 მილიონი აშშ დოლარის ინვესტირება განახორციელა.
2003 წლიდან IFC საქართველოში საკონსულტაციო პროექტებს ახორციელებს კორპორაციული მართვის პრაქტიკის და ბიზნეს გარემოს გაუმჯობესების მიმართულებით, განსაკუთრებით მცირე და საშუალო საწარმოებისათვის. ახლახანს ასევე დაიწყო სურსათის უვნებლობის გაუმჯობესების პროექტი საქართველოში.