საპენსიო რეფორმა წარმატებით მიმდინარეობს, – ამის შესახებ საპენსიო სააგენტოს დირექტორმა, ლევან სურგულაძემ ჟურნალისტებს პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომის დაწყებამდე განუცხადა.
მისი თქმით, რეფორმის იმპლემენტაციის დაწყებიდან 100 დღე გავიდა.
„რეფორმა წარმატებით მიმდინარეობს. ჩვენს სისტემაში უკვე 750 ათას ადამიანზე მეტია გაწევრიანებული. საპენსიო შენატანების მოცულობა გუშინდელი მონაცემებით, დაახლოებით 175 მილიონი ლარია. გასვლაზე მომართვიანობა არის, მაგრამ არც ისე მაღალი. ამ ეტაპისთვის, სისტემიდან გასულია 2 900 ადამიანი. ეს არის 750 ათასი მოქალაქიდან 2 900, ანუ 0,4 პროცენტი“, – განაცხადა სურგულაძემ.
დაგროვებითი პენსიის შესახებ კანონის აღსრულებასთან დაკავშირებით საპენსიო სააგენტოს დირექტორს, ლევან სურგულაძეს დარგობრივი ეკონომიკისა და ეკონომიკური პოლიტიკის კომიტეტის სხდომაზე უსმენენ.
საქართველოში დაგროვებითი საპენსიო სისტემა 2019 წლის 1-ლი ამოქმედდა. საპენსიო სქემაში მონაწილეობა სავალდებულოა საქართველოს ყველა დასაქმებული მოქალაქისთვის და საქართველოში მუდმივად მცხოვრები უცხო ქვეყნის მოქალაქისთვის, რომელსაც 2018 წლის 6 აგვისტოსთვის ჯერ არ ქონდა შესრულებული 40 წელი. საპენსიო სისტემის დატოვება 1 აპრილიდან გახდა შესაძლებელი.
