თუ საერთაშორისო ბაზარზე შაქრის ნედლეულის ფასი ზრდას ისევ განაგრძობს, მაშინ საქართველოში წარმოებული შაქარიც გაძვირდება. ამის შესახებ "ჯი-ეიჩ-ენს" "აგარის შაქარ კომპანის" გენერალური დირექტორის მოადგილემ ლაშა ისაკაძემ.
კომპანიში განმარტავენ, რომ საერთაშორისო ბაზარზე შაქრის ნედლეულის ფასი იზრდება და ამ დროისათვის კომპანიაში ვერ აკონკრეტებენ როდემდე მოახერხებენ არსებული ფასების შენარჩუნებას.
"ფასები საერთაშორისო ბაზარზე იზრდება და შესაბამისად არ ვიცით როდემდე მოხერხდება ფასის შენარჩუნება. თუმცა მსოფლიო ბაზარზე რა ფასები იქნება, ეს დიდადაა დაკავშირებული ჭარხლის მოსავალზე, რომლის აღებაც ეხლა იწყება. თუ კი აღმოჩნდება, რომ ჭარხლის მოსავალი მცირეა, მაშინ შაქრის წარმოების გიგანტები, რუსეთისა და უკრაინის საწარმოები ნედლეულად ჭარხლის ნაცვლად, ლერწმის გამოიყენებენ, რაც ცხადია ბაზარზე თავად ნედლეულის დეფიციტს გამოიწვევს"- განაცხადა "ჯი-ეიჩ-ენთან" საუბარში ისაკაძემ.
ერთი თვის განმავლობაში საწარმომ 1 ტომარა შაქრის ფასი 7,7 ლარით გაძვირა, რადგანაც 17 აგვისტოს კომპანია სადისტრიბუციო ქსელში ერთ ტომარა შაქარს 74,60 ლარად აბარებდა, დღეს კი ერთ ტომარა შაქარს კომპანია 82,30 ლარად ყიდის..
წლის განმავლობაში ქვეყანა 120 ათას ტონა შაქარს მოიხმას და მენეჯმენტის გათვლებით, აგარის შაქარი წლის ბოლომდე ბაზრის 80%-ს დაიკავებს.
საერთაშორისო ბაზარზე მაისის თვიდან დღემდე არარაფინირებული შაქრის ფასი 60 %-ით გაძვირდა.
რუსეთში ჭარხლის წარმოება 20 %-ით შემცირდა. თუმცა, შაქრის საერთაშორისო ორგანიზაცია IშO-ს ექსპერტების შეფასებით, ახალი სეზონიდან, რომელიც ოქტომბრიდან იწყება, შაქრის წარმოება რეკორდულ მაჩვენებელს მიაღევს
სტატისტიკური მონაცემებით თანახმად, 2009 წელს საქართველოში 50 ათას 408 დოლარის ღირებულების 105 007 ტონა შაქრის იმპორტი განხორციელდა, რაც მთლიანი იმპორტის 1,2 %-ია. 2008 წელს კი ქვეყანაში სულ 66 ათას 24 დოლარის ღირებულების 160 ტონა შაქარია იმპორტირებული, რაც მთლიანი იმპორტის 1 %-ია.
"საქსტატის" ინფორმაციით, საქართველოში შაქრის იმპორტი ბრაზილიიდან, ბელარუსიდან, აზერბაიჯანიდან, ტაილანდიდან და ინდოეთიან განხორციელდა.