კავშირის თავმჯდომარე ამბობს, რომ ოპეკი არ აპირებს ნავთობზე საფასო და საწარმოო პოლიტიკის შეცვლას. მთვარალშვილის აზრით ოპეკისთვის ნავთობის ზემოაღნიშნული ფასის დიაპაზონი მისაღებია და შესაბამისად, ნავთობის მოპოვების კვოტების შემცირებას ან მატებას არ აპირებს. ამ ყველაფრის წინაპირობა გახლავთ ის, რომ ეკონომიკური რეცესიის შემდგომ მსოფლიოში ნავთობზე მოთხოვნილებამ ზრდა დაიწყო.

"ზაფხულის განმავლობაში ნავთობის მსოფლიო ფასი მეტნაკლებად სტაბილურ ვითარებას ინარჩუნებდა და ბარელზე 70-80 დოლარის ფარგლებში მერყეობდა. აქვე უნდა აღვნიშნოთ, რომ ნავთობის ფასი აღნიშნულ დიაპაზონში მთელი მიმდინარე წლის განმავლობაშია. დღეისათვის, ვაჭრობის შედეგებით ლონდონში InterContinental Exchange Futures-ze (IСE Futures Europe) - Brent ტიპის ნავთობის ფასმა ბარელზე 78,48 დოლარი შეადგინა; ნიუ-იორკში Nეწ York Mercantile Exchange-ze (NYMEX) - Light Sweetl ტიპის ნავთობის ფასი ბარელზე 74,57 დოლარის ფარგლებში დაფიქსირდა"- განაცხადა მთვარაკაშვილმა.

ნავთობპროდუქტების იმპორტიორთა კავშირის ინფორმაციით, "PLATTS"-ის მიხედვით, რომლითაც ხორციელდება საქართველოში ნავთობპროდუქტების იმპორტი, სექტემბრის თვის განმავლობაში ბენზინის ფასი მერყეობს 684-717 დოლარის ფარგლებში ტონაზე, ხოლო დიზელის საწვავის ფასი - 640-670 დოლარის ფარგლებში ტონაზე. თუმცა, აქაც უნდა აღინიშნოს, რომ ბოლო თვეების განმავლობაში ვითარება მეტნაკლებად სტაბილურია.

"რაც შეეხება პროგნოზს, უახლოეს პერიოდში საქართველოში საწვავის ფასების ცვლილება არაა მოსალოდნელი. ამას განაპირობებს საერთაშორისო ფასებისა და ლარის დოლართან მიმართებაში კურსის სტაბილურობა"- აღნიშნა ვანო მთვრალაშვილმა.

დღეისათვის საქართველოს საცალო ქსელში საწვავის ფასები შეადგენს:
სუპერი ტიპის ბენზინი - 1,95 - 2,00 ლარი/ლიტრაზე;
პრემიუმი ტიპის ბენზინი - 1,90 - 1,95 ლარი/ლიტრაზე;
ევრო რეგულარი ტიპის ბენზინი - 1,80 - 1,85 ლარი/ლიტრაზე;
რეგულარი ტიპის ბენზინი - 1,77 - 1,80 ლარი/ლიტრაზე;
ევრო დიზელი - 1,90 - 1,95 ლარი/ლიტრაზე;
დიზელი (ლ-62) - 1,77 - 1,85 ლარი/ლიტრაზე.