პანკისის ხეობაში დამატებითი ძალები შეჰყავთ. ამ დრომდე სიტუაცია ხეობაში დაძაბულია. რამდენჯერმე ადგილი ჰქონდა სამართალდამცავებსა და აქციის მონაწილეებს შორის ფიზიკურ დაპირისპირებას. სპეცრაზმმა ადგილობრივების მისამართით ცრემლსადენი გაზი და რეზინის ტყვიები გამოიყენა.
ხეობის მცხოვრებლებმა კი სამართალდამცავებს ქვები ესროლეს. შეტაკებების დროს დაშავდნენ როგორც აქციის მონაწილეები, ასევე სპეცრაზმის თანამშრომლები.
სოფლის უხუცესები აქციის მონაწილეების დამშვიდებას ცდილობენ.
პანკისის ხეობაში ვითარება დღეს დილით დაიძაბა. ხეობაში კომპანიებმა „ალაზანი ენერჯიმ“ და „ფერიმ“ „ხადორი-3“-ის მშენებლობა დაიწყეს. ადგილობრივებმა მშენებლობის დაწყება გააპროტესტეს. ჰესის მშენებლობის ხელის შეშლის საშუალებაც მათ სამართალდამცველებმა არ მისცეს. აქციის მონაწილეებმა სპეცდანიშნულების რაზმს ქვები დაუშინეს. სპეცრაზმმა შეკრებილების წინააღმდეგ ცრელმსადენი გაზი გამოიყენა.
