პანკისის ხეობაში ვითარება დაიძაბა. ხეობაში დამატებითი ძალებია შეყვანილი. პოლიციამ აქციის მონაწილეების დარბევა დაიწყო. სპეცრაზმი რეზინის ტყვიებსა და ცრემლსადენ გაზს იყენებს. სამართალდამცავების მისამართით ადგილობრივები ქვებს ისვრიან. ადგილზე მობილიზებულია წყლის ჭავლის მანქანა. თუმცა ამ ეტაპზე ის სპეცრაზმს არ გამოუყენებია.
ვრცელდება ინფორმაცია დაშავებულების შესახებ. დაზიანებები მიიღეს, როგორც ადგილობრივებმა ასევე სამართალდამცავებმა.
ჰესის სამშენებლო სამუშაოები ამ დროისთვის შეჩერებულია. პანკისის ხეობაში ჰესის მშენებლობის ხელის შეშლა დღეს ადგილობრივმა მოსახლეობამ სცადა, რისი საშუალებაც მათ სამართალდამცველებმა არ მისცეს.
აქციის მონაწილეებმა სპეცდანიშნულების რაზმს ქვები დაუშინეს. სპეცრაზმმა შეკრებილების წინააღმდეგ ცრელმსადენი გაზი გამოიყენა. ადგილობრივები აცხადებენ, რომ სპეცრაზმის წარმომადგენლებმა მათ წინააღმდეგ რეზინის ტყვიები გამოიყენეს.
