დაღესტანში მილიციელი, ქალაქის სამმართველოს რწმუნებული მოკლეს. მკვლელობა დაღესტნის კასპიისკის რაიონში მოხდა. ინფორმაციას ამის შესახებ რუსული მედია ადგილობრივ სამართალდამცავებზე დაყრდნობით ავრცელებს.
"მკვლელობა მაშინ მოხდა, როდესაც მილიციელს მოწმე ქალაქის ცენტრალურ საავადმყოფოში მიჰყავდა. უცნობმა პირებმა მას რამდენჯერმე "ტე-ტე"-ს ტიპის პისტოლეტიდან ესროლეს და მიიმალნენ", _ იუწყება რუსული მედია.
მიღებული ჭრილობებისაგან მილიციის ოფიცერი ამავე საავადმყოფოს საოპერაციო მაგიდაზე გარდაიცვალა. ფაქტზე აღძრულია სისხლის სამართლის საქმე.
