კრიმინალური სამყაროს "მეფედ" შერაცხული "დედ ჰასანი", ასლან უსოიანი რუსეთში კრიმინალურ სამყაროში მომხდარი დაპირისპირების შემდეგ აფხაზეთს აფარებდა თავს. იგი 27 აპრილს კიევის საერთაშორისო აეროპორტში უკრაინელმა სამართალდამცავებმა დააკავეს. დაკავების ოფიციალურ მიზეზად საზღვრის უკანონო გადაკვეთა და უკრაინაში არალეგალურად ყოფნა დასახელდა. უკრაინის კანონმდებლობის თანახმად, "დედ ჰასანის" რუსეთში დეპორტირება განხორციელდა, საიდან იგი აფხაზეთში გაემგზავრა.
უსოიანი იშვიათად ჩნდებოდა საჯაროდ, ერთ-ერთი ვერსიით, მისი ამჟამად მოსკოვში გამოჩენა შვილის მონახულებას უკავშირდება.
შეგახსენებთ, რომ 16 სექტემბერს, 20:00 საათისთვის მოსკოვში ე.წ. კანონიერი ქურდს "დედ ჰასანს" მოსკოვში ტვერის ქუჩაზე იმ დროს დაესხნენ, როდესაც იგი თავის დაცვის წევრთან ერთად შვილის საცხოვრებელი სახლის სადარბაზოში შედიოდა.
რუსულმა მედიამ გაავრცელა ინფორმაცია "დედ ჰასანის" და მისი დაცვის წევრის გარდაცვალების შესახებ. მოგვიანებით, გავრცელდა ინფორმაცია, რომ ორივე ცოცხალია და მათ ბოტკინის სახელობის საავადმყოფოში ოპერაცია უტარდებათ.
