საქართველოს საგრეო საქმეთა მინისტრ გრიგოლ ვაშაძის განცხადებით, რუსეთის სამოქალაქო ავიაცია სოხუმის მიმართულებით ფრენების განხორციელებას ვერ შეძლებს. მინისტრის თქმით, ეს არის "იკაოს" წესდების უხეში დაღვევა. ამის შესახებ საგარეო უწყების ხელმძღვანელმა ჟურნალისტებთან საუბარში განაცხადა.
მინისტრის თქმით, თავის დროზე საქართველომ რუსეთი მსგავსი გადაწყევტილების მიღებისგან შეაჩერა და თუ საჭირო გახდება, კვლავაც შეაჩერებს.
"რუსეთის სამოქალაქო ავიაცია სოხუმის მიმართულებით ფრენებს ვერ განახორციელებს იმიტომ, რომ ეს არის "იკაოს" წესდების უხეში დარღვევა. რუსები, როდესაც ასეთი გეგმა ჰქონდათ, ერთხელ უკვე გავაჩერეთ და გავაჩერებთ 100-ჯერ, თუ საჭირო იქნება", - აღნიშნა ვაშაძემ და განმარტა, რომ სოხუმში მხოლოდ ოკუპანტების სამხედრო თვითმფრინავები დაფრინავენ.
შეგახსენებთ: რუსეთის ვიცე-პრემიერმა სერგეი ივანოვმა განაცხადა, რომ რუსეთი აფხაზეთთან რეგულარულ სარკინიგზო და საავიაციო მიმოსვლას განახორციელებს. მან ეს გადაწყვეტილება იმით ახსნა, რომ "რუსეთის ფედერაციის მრავალ მოქალაქეს სურს შვებულების გატარება აფხაზეთის ზღვის სანაპიროზე".
