თუ რუსეთი სერგეი მარკოვისთვის ვიზის მიუცემლობას გააპროტესტებს ამ საკითხზე დემოკრატიული ქვეყნებისგან ადეკვატური პასუხი იქნება გაცემული. ასეთია ქართველი დეპუტატების ვარაუდი რუსეთის მიერ გაკეთებულ განცხადებაზე იმასთან დაკავშირებით რომ ქართული მხარის მიერ სერგეი მარკოვისთვის ვიზის მიუცემლობის საკითხს რომელიც ევროსაბჭოს იურიდილ და ადამიანის უფლებათა დაცვის კომიტეტის გასვლით სხდომას უნდა დასწრებოდა თბილისში ევროსაბჭოში გაპროტესტებს.
პარლამენტის პირველი ვიცე-სპიკერი მიხეილ მაჭავარიანი კი აცხადებს, რომ თუ რუსეთი ამ გზას მაინც მიმართავს, მას ევროპის დემოკრატიული ქვეყნებისგან ადეკვატური პასუხი გაეცემა. ამის მიზეზად მაჭავარიანი იმ ფაქტორს ასახელებს, რომ მარკოვი საქართველოს მთავრობის ნებართვის გარშე იმყოფებოდა ოკუპირებულ ტერიტორიაზე, რითაც დაარღვია საქართველოს ოკუპირებული ტერიტორიების შესახებ კანონი.
"თავად ამ კანონს კი ვენეციის კომისიის ექსპერტიზა აქვს გავლილი", - აცხადებს მაჭავარიანი და დასძენს, რომ დელეგაციის სხვა წევრებს მარკოვის გარდა თავისუფლად შეეძლოთ საქართველოს ტერტორიაზე შემოსვლა თუ ისინი სათანადო ნებართვას ითხოვდნენ და თავისუფლად შეძლებდნენ ევროსაბჭოს კომიტეტების თბილისში გამართულ სხდომაში მონაწილეობის მიღებას.
"იმ შემთხვევაში თუ რუსი დეპუტატები ამას ევროსაბჭოს სესიაზე გააპროტესტებენ ეს მათი უფლებაა, თუმცა დარწმუნებული ვარ ევროსაბჭოს წევრი ქვეყნების უმრავლესობა დემოკრატიული სახელმწიფოებია. ეს მათი მხრიდან უპასუხოდ არ დარჩება და ამ საკითხზე შესაძლო დებატების შედეგიც შესაბამისი იქნება", - აცხადებს მაჭავარიანი.
