ფილარმონიის მმართველ კომპანიას სახელმწიფოს წინაშე 3 მლნ ლარის დავალიანება აქვს დაგროვილი , - ამის შესახებ ნათქვამია საქართველოს ახალგაზრდა იურისტთა ასოციაციის მიერ გამოქვეყნებულ დაკვნაში.
ორგანიზაციის შეფასებით, არსებული სამართლებრივი გარემოებების გათვალისწინებით, სახელმწიფომ დარბაზის ოპერატორს "შპს ინტერნეიშენალ ინვეთსს" მართვის უფლება სრულად უნდა ჩამოართვას.
„როგორც ირკვევა, კომპანიას სახელმწიფოს წინაშე 3 მილიონ ლარზე დიდი დავალიანება დაუგროვდა, ხოლო 2019 წლის 4 იანვარს სახელმწიფო ქონების ეროვნულმა სააგენტომ კომპანიას აცნობა, რომ სახელმწიფო მათთან ხელშეკრულებას ცალმხრივად წყვეტდა. ამის მიუხედავად, 2019 წლის 1 მარტის მდგომარეობით, საია-სთვის ბუნდოვანი მიზეზებით, ორგანიზაციის შესახებ მითითებულია, რომ მასთან დადებული სახელმწიფო ხელშეკრულება შეწყვეტილი არაა“, - წერია საია-ს გავრცელებულ ინფორმაციაში.