თბილისში, დელისის ქუჩაზე 26 წლის მამაკაცი ცეცხლსასროლი იარაღით დაჭრეს. მამაკაცი რესპუბლიკურ საავადმყოფოში გადაიყვანეს. მას უკვე ჩაუტარდა ოპერაცია და მალე სამართალდამცველებიც დაკითხავენ.
წინასწარი ინფორმაციით, შეიარაღებული პირები ახალგაზრდა გიორგი მღებრიშვილს უთვალთვალებდნენ და ცეცხლი მისი მისამართით მაშინ გახსნეს, როცა ის სახლში ბრუნდებოდა. თვითმხილველების ინფორმაციით, დამნაშავეები სწრაფად მოქმედებდნენ და რამდენიმე გასროლის შემდეგ შემთხვევის ადგილი მანქანით ისევ დელისის მეორე შესახვევით დატოვეს.
გამოძიება განზრახ მკვლელობის მცდელობისა და ცეცხლსასროლი იარაღის უკანონო შეძენა-შენახვა-ტარების მუხლებით დაიწყო.
