საქართველოში სასამართლოზე აღმასრულებელი ან საკანონმდებლო ხელისულების მხრიდან ზეწოლა მნიშვნელოვან პრობლემად რჩება - ამის შესახებ ნათქვამია Freedom House-ის „მსოფლიოში თავისუფლება - 2019“-ის დეტალურ ანგარიშში.
„მიუხედავად მართლმსაჯულების სისტემაში გატარებული რეფორმებისა, სასამართლოზე აღმასრულებელი ან საკანონმდებლო ხელისულების მხრიდან ზეწოლა მნიშვნელოვან პრობლემად რჩება, ისევე როგორც კორუფცია და სასამართლო პროცედურების გაუმჭვირვალობისა და პროფესიონალიზმის საკითხი.
2018 წელს უზენაესი სასამართლოს თავმჯდომარე ნინო გვენეტაძე თანამდებობიდან გადადგა, რომელმაც ამის მიზეზად ჯანმრთელობის პრობლემები დაასახელა. თუმცა ბევრი დამკვირვებელი ვარაუდობს, რომ ის იძულებული გახადეს თანამდებობა დაეტოვებინა.
ახალი კონსტიტუციის ამოქმედების შემდეგ, უზენაესი სასამართლოს წევრებს იუსტიციის უმაღლესი საბჭო წარადგენს. დეკემბერში იუსტიციის უმაღლესმა საბჭომ პარლამენტს უზენაესი სასამართლოს წევრობის კანდიდატები წარუდგინა. არასამთავრობო ორგანიზაციები ამტკიცებენ, რომ საბჭომ კანდიდატების შერჩევისთვის გაუმჭვირვალე პროცედურები გამოიყენა და არაკეთილსინდისიერი რეპუტაციის მქონე კანდიდატები შეარჩია.
არასამთავრობო ორგანიზაციების კოალიცია მოუწოდებს პარლამენტს, შეიმუშავოს უფრო მკაცრი და მკაფიო კრიტერიუმები და მეტად გამჭვირვალე გახადოს უზენაესი სასამართლოს მოსამართლეობის კანდიდატთა შერჩევის პროცედურა“, - ნათქვამია ანგარიშში.