ბათუმი-თბილისის მიმართულებით ავიარეისებს "ეარ ბათუმის" ნაცვლად "აირზენა" შეასრულებს. "აირზენა" ბათუმი-თბილისის მიმართულებით ფრენებს 15 სექტემბრიდან დაიწყებს.
როგორც სააგენტო "ჯი-ეიჩ-ენთან" საუბრისას კომპანია "ეარ ბათუმის" ხელმძღვანელმა დემურ ლელაძემ განაცხადა, კომპანია ბათუმი-თბილისის მიმართულებით ფრენებს მომავალი ტურისტული სეზონიდან განაახლებს.
"ფრენები გაზაფხულიდან განახლდება. ფრენების შეწყვეტის მიზეზი ის ეკონომიკური მდგომარეობა გახდა, რომელშიც ავღმოჩნდით. მომავალი სეზონისთვის უფრო ეკონომიურ თვითმფრინავს დავიქირავებთ და მუშაობას შევუდგებით"- განუცხადა "ჯი-ეიჩ-ენს" "აერ ბათუმის" ხემძღვანელმა.
შეგახსენებთ, რომ აგვისტოს განმავლობაში ავიაკომპანია "ეარ ბათუმი" ბათუმი-თბილისი, თბილისი-ბათუმის მიმართულებით რეისებს რეისების შესრულებას დღეში რამდენჯერმე გეგმავდა, თუმცა აგვისტოს შუა რიცხვებში კომპანიამ ფრენები მოულოდნელად შეაჩერა.
ავიაკომპანია "ეარ ბათუმმა" ბათუმი-თბილისის მიმართულებით ავიარეისების შესრულება 1 ივნისიდან დაიწყო და კომპანია გადაზიდვებს "სააბ 340" ტიპის თვითმფრინავით ახორციელებდა, თუმცა როგორც ჩანს მენეჯმენტს აღნიშნული თვითმფრინავის დაქირავება საკმაოდ ძვირი უჯდებოდა.
ავიაკომპანია "ეარ ბათუმმა" საქართველოს სამოქალაქო ავიაციის დეპარტამენტიდან ლიცენზია მიმდინარე წლის 1 აპრილს მიიღო. კომპანიის დამფუძნებელი პარტნიორია ჩები ჩომპანიეს Gროუპ, რომელიც უკვე 25 წელზე მეტია მოღვაწეობს რამდენიმე სექტორში, როგორიცაა: ტურიზმი, საბროკერო და სამშენებლო საქმიანობა და საგარეო ვაჭრობა, განსაკუთრებით ევროპასა და თურქეთში. ჩები Aვიატიონ, რომელიც ბოლო წლებში გავიდა ახლო აღმოსავლეთის და ევროპის საავიაციო ბაზრებზე, გააჩნია ყველა ის მახასიათებელი, რომ იყოს უნიკალური თურქული კომპანია ამ სფეროში.
