"საქართველოს ბანკის" შვილობილის "ბი ჯი კაპიტალის" ორგანიზებით, 23-24 სექტემბერს კიევში გაიმართება გრანდიოზული კონფერენცია " Catching the B.U.G.: Ukraine & Beyond ", რომელშიც მონაწილეობას 100-მდე საინვესტიციო ფონდი მიიღებს.
"ბი ჯი კაპილატის" ინფორმაციით, კონფეენციაში ქართული კომპანიებიც მიიღებენ მონაწილეობას. უკვე ცნობილია, რომ კიევში დაგეგმილ კონფერენციაში მონაწილეობას მიიღებენ "საქართველოს ბანკი", "ლიბერთი ბანკი", "საქართველოს ინდუსტრიული ჯგუფი" და სხვა წამყვანი ქართული კომპანიები.
კონფერენციის დღის წესრიგის მიხედვით უშუალოდ კონფერენცია 23 სექტემბერს გაიმართება, ხოლო 24 სექტემბერს კომპანიებს სურვილისამბერ შესაძლებლობა ექნებათ საქართველოში გადმოფრინდნენ და ადგილზე გაეცნონ საქართველოს საინვესტიციო გარემოს და შეხვდნენ სხვა ქართული კომპანიების წარმომადგენლებს.
დაგეგმილია ასევე მათი შეხვედრა მთავრობის წევრებთან. კიევში დაგეგმილ კონფერენციაში მონაწლეობის მისაღებად მიწვეულია ეკონომიკისა და მდგრადი განვითარების მინისტრი ვერა ქობალია და უკრაინის ვიცე-პრემიერი სერგეი ტიგიპკო.
შეგახსენებთ, რომ "ბი ჯი პაპიტალი" არის საქართველოს ბანკის ჯგუფში შემავალი საინვესტიციო ბანკი, რომელიც ოპერირებს საქართველოში, უკრაინასა და ბელორუსში.
საქართველოს ბანკის ფინანსურ ჯგუფში ინტეგრაციის შედეგად, რომელიც წარმოდგენილია სამი კომერცკული ბანკით საქართველოში, უკრაინასა და ბელორუსში "ბი ჯი კაპიტალის" კლიენტებს სთავაზობს კომპლექსურ მმსახურეობას "ერთი ფანჯრის" პრინციპით. იმავდროულად "ბი ჯი კაპიტალი" არის ერთადერთი საინვესტიციო ბანკი განვითარებად ბაზარზე რომელიც ყოველ კვარტლურად აქვეყნებს ფინანსურ შედეგებს IFRS სტანდარტებით.
