სეპარატისტულ სამხრეთ ოსეთში არაფხიზელ მდგომარეობაში ავტომობილის მართვაზე სასჯელი გამკაცრდა.
ე.წ. სამხრეთ ოსეთის ბეჭდვისა და ინფორმაციის კომიტეტის ინფორმაციით, არაფხიზელ მდგომარეობაში ავტომობილის მართვაზე ე.წ. სამხრეთ ოსეთში ორი წლის ვადით მძღოლს მანქანის მართვის მოწმობა ერთმევა ან იგი ადმინისტრაციულ ჯარიმას 30 ათას რუსულ რუბლს გადაიხდის.
"კანონდამრღვევებს ორიო წლით მართვის მოწმობას ჩამოვართმევთ ან ისინი ადმინისტრაციულ ჯარიმას 30 ათას რუსულ რუბლს გადაიხდიან. გასულ წელს არაფხიზელ მდგომარეობაში მყოფი მძღოლების გამო სამხრეთ ოსეთში 14 ადამიანი დაიღუპა", _ აცხადებს ე.წ. სამხრეთ ოსეთის გაის უფროსი ალან ჯიოევი.
