ბოლო დროს, დიდი აჟიოტაჟი იყო ატეხილი საქართველოს ნაკრების მწვრთნელ - თემურ ქეცბაიას გარშემო. საქმე ისაა, რომ ქეცბაიამ ისრაელთან მატჩის ფრედ დასრულების შემდეგ განაცხადა, რომ გუნდის გამარჯვებისთვის ერთ-ერთი ხელისშემშლელი ფაქტორი მოედნის ცუდი საფარი იყო.
"მინდა მადლობა ვუთხრა ყველა იმ ფეხბურთელს ვინც დღეს მოედანზე იყო. ისინი ასი პროცენტით დაიხარჯნენ, მაგრამ ყანაში თამაში ძალიან ძნელია. ქართული ფეხბურთის ტრადიცია მეტს იმსახურებს. ძნელია, ფეხბურთელს ამგვარ მოედანზე მეტი მოსთხოვო", - განაცხადა მატჩის შემდეგ გამართულ პრესკონფერენციაზე
საქართველოს ნაკრების მთ. მწვრთნელმა.
ქეცბაიამ არც სამომამავლო პროგნიზი დაიშურა და აღნიშნა, რომ თამაში რომ მოიგო, მინდორმაც უნდა შეგიწყოს ხელი, "ასეთ მოედანზე მალტაც ტოლ-სწორად გვეთამაშება".
მთ. მწვრთნელმა მატჩის ფრედ დასრულების გამო პასუხისმგებლობა სტადიონის მესვეურებს დააკისრა _ "პასუხისმგებლობა იმ ხალხმა უნდა აიღოს, ვისაც სტადიონის მოვლა აკისრია.
მართლაც, ვინც სტადიონზე იყო ნათლად შეამჩნევდა, რომ ორჯერ მოედნის საჯარიმოში დაგორებული ბურთი უნდა მიეღოთ ქართველებს და ამ დროს ბურთი მათ ფეხებთან ახტა. ამის ბრალი მხოლოდ და მხოლოდ მოედნის საფარი იყო. ხოლო მინდვრის საშინელი მდგომარეობა ყველაზე ნათლად ხიზანიშვილის დარტყმამ დაადასტურა, რომლის შემდეგაც მოედანზე ისეთი ბუღი დადგა, რომ ფეხბურთელები ერთმანეთს ძლივს ხედავდნენ.
სწორედ ამაზე მისცა შენიშვნა მოედნის ადმინისტრაციას ქეცბაიამ, ხოლო მედიამ და ზოგმა მაყურებელმა ეს ამბავი ისე აიტაცა, ვითომ ქეცბაია ვერ მოგებას მოედნის საფარს აბრალებსო.
თუმცა ნათელია, რომ ქეცმაბიამ ამ ფაქტზე იმიტომ გააკეთა მინიშნება, რომ სურდა ეს მინუსი აღმოეფხვრათ და მომავალი მაჩებისთვის არსებული მდგონარეობა გამოესწორებინათ.
თავის მხრივ, უეფა-ს ვებ-გვერდთან საუბარში თბილისში დაფიქსირებული ყაიმით კმაყოფილება გამოთქვა ისრაელის ეროვნული ნაკრების დამრიგებელმა ლუის ფერნანდესმა.
"მინდა, მეტოქეს კარგი თამაში მივულოცო. მათ გასულ შესარჩევ ციკლთან შედარებით, შესამჩნევად მომატებული აქვთ. თბილისში, ასეთი ატმოსფეროში თამაში ნებისმიერ ნაკრებს გაუჭირდება. ჯერ კიდევ მატჩამდე ვაცხადებდი, რომ საყაიმო ანგარიში დაგვაკმაყოფილებდა. ცხადია, ჩინებული იქნებოდა, გოლი გაგვეტანა, თუმცა, საქართველოს ნაკრების დაცვა ისე საიმედოდ მოქმედებდა, შანსი ძალიან მცირე იყო. თამაშის მიმდინარეობიდან გამომდინარე, შედეგით კმაყოფილი ვარ", - განაცხადა ლუის ფერნანდესმა.
ფეხბურთის ცნობილი სპეციალიტისა და მეტოქის გუნდის მთ. მწვრთნელის შეფასებების მიუხედავად, სკეტიკოსები აცხადებენ, რომ ქეცბაიამ გუნდში ვერაფერი შეცვალა და წინსვლა საერთოდ არ არისო.
იმის მიუხედავად, რომ ქართველი გულშემატკივარი ყოველთვის მაქსიმუმს მოითხოვს, ხოლო ფეხბურთის სპეციალისტიები კი საკუთარი ტავის გარდა ლამის არავის აღიარებენ, არც ის უნდა დაგვავიწყდეს ქეცბაიამდე ფრე როდის ვითამაშეთ ძნელი გასახსენებელია. ქეცბაიას "შედეგები" არ მოსწონთ იმათ ვისთვისაც საუკეთესო შედეგი საქართველოს ნაკრების მინიმალური ანგარიშით დამარცხება იყო.
რაც ქეცბაია მოვიდა გუნდში, საქართველოს ნაკრებს თამაში საერთოდ არ წაუგია. 5 მატჩიანი წაუგებელი სერია, ძალიან ბევრ რამეზე მეტყველებს.
საბერძნეთთან გასვლითი მატჩი ფრედ დავასრულეთ და თან 72-ე წუთამდე 0-1 ვამარცხებდით მასპინძლებს, რომლებიც მსოფლიო ჩემპიონატის მუდმივი მონაწილეები არიან, 2004 წელს ევროპის ჩემპიონატიც მოიგეს და ფიფას რეიტინგშიც მე-12 ადგილზე არიან, როცა საქართველო 100-ს ზემოთ იმყოფება. ამიტომ წინსვლა ჩამორჩენაზე საუბარი სხვა რომ არაფერი უხერხულია.
და რადგან ქართული ფეხბურთის "ზოგიერთი გულშემატკივარი" ყოველგვარი არგუმენტის გარეშე კიცხავს საქართველოს ნაკრების თავკაცს და ორი ფრე ხუთმატჩიან წაუგებელ სერიაში მათთვის ტრაგედიაა, უმჯობესი იქნება, რომ მალტასთან მატჩს თვალყური ეკრანებიდან ადევნონ, რადგან მოგების შემთხვევაში სტადიონზე მათი მომსულიერებელი კაცი არ იქნება.
მალტასთან და სხვა მატჩებზეც სტადიონს ნაკრებს ნაღდი გულშემატივრები გაავსებენ.
"ჯი-ეიჩ-ენი", გიორგი კაკაბაძე
