თანამედროვე სამყაროში ინფორმაციის ენა არის ინგლისური. თუ ინგლისური არ იცი ინფორმაციას ვერ იღებ. ეს არ არის ჩვენი აკვიატება და ახირება ეს არის რეალობა, _ განაცხადა საქართველოს პრეზიდენტმა მიხეილ სააკაშვილმა ბათუმში "პიაცას მოედანზე" გამართულ მთავრობის გასვით სხდომაზე. მისი თქმით, თურქულიც და არაბულიც მნიშვნელოვანია, მაგრამ თუ ვიღაცა მიდის გერმანულით ან ფრანგულით, რაღაც უნდა მოვახერხოთ. "მაგრამ სასურველია, რომ წავახალისოთ ინგლისური".
"ჩვენ მთლიანად უნდა ვიყოთ ქვეყანა, რომელიც ლაპარაკობს ინგლისურ ენაზე, რა თქმა უნდა, ვლაპარაკობთ ჩვენს ენაზე. ბათუმში 150-მეტრიან ანძას ვდგამთ ქართული ენის ძეგლად, მაგრამ ასევე უნდა გვახსოვდეს, რომ ჩვენ ენაზე სხვა ქვეყანა არ ლაპარაკობს. ამიტომ მსოფლიოს რომ გავაგებინოთ ჩვენ რა გვინდა, რა მაგრები ვართ და რაც კარგები ვართ რომ ქართველები ვართ, ამისთვის გვინდა მინიმუმ ერთი უცხო ენა. თანამედროვე მსოფლიოში ჩვენ ბაზარს ვერ მოვეგებით ამ ენის ცოდნის გარეშე. ეს არის ქვეყნის გადარჩენის და გაძლიერების უმთავრესი საკითხი", _ განაცხადა პრეზიდენტმა.
