2012 წელს მთელს ბათუმის გაყოლებაზე იქნება ოქროს ქვიშა, _ ამის შესახებ მიხეილ სააკაშვილმა ბათუმში "პიაცას მოედანზე" გამართულ მთავრობის გასვლით სხდომაზე განაცხადა. მისი თქმით, ეს პროგრამა მომავალ წელს იწყება.
"2012 წელს მთელს ბათუმის გაყოლებაზე იქნება ოქროს ქვიშა. ეს მარტო ქვიშის მოტანა და დაყრა კი არ იქნება, ეს არის ურთულესი სისტემა ჯებირების. ოქროს ქვიშას რომ ჩამოვიტანთ. ჯებირებს გავაკეთებთ და იქ სიმინდის ტაროებს დაყრიან 500-ლარიანი ან ადმინისტრაციული ჯარიმა უნდა იყოს, რა თქმა უნდა, ადამიანის უფლებების დაცვის კონვენციის ფარგლებში. აქ იქნება პილოტური პროგრამა და შემდეგ უკვე დანარჩენ საქართველოში დავნერგავთ", _ განაცხადა პრეზიდენტმა.
