"რა თქმა უნდა, სავალუტო ფონდი მხარს უჭერს საპენსიო რეფორმას. ახლა აგიხსნით რატომ ვთვლით, რომ საპენსიო რეფორმა საქართველოში უნდა ჩატარდეს. პირველ რიგში, ეს დაეხმარება საქართველოში დასაქმებულ ადამიანებს დააგროვონ მეტი თანხა და საპენსიო ასაკის დროს უზუნველყონ საკუთარი თავი", - განაცხადა საერთაშორისო სავალუტო ფონდის მუდმივმა წარმომადგენელმა საქართველოში ფრანსუა პეშომ ჟურნალისტებთან საუბრისას.
ფრანსუა პეშოს თქმით, საპენსიო რეფორმა ხელს შეუწყობს ქვეყანაში კაპიტალის ბაზრის განვითარებას და სხვადასხვა მიმართულებით, ინვესტიციების განვითარებას.
"საპენსიო რეფორმა ასევე ხელს შეუწყობს კაპიტალის ბაზრის განვითარებას. საპენსიო რეფორმა, მოგვცემს საშუალებას სხვადასხვა მიმართულებით ინვესტიციების განხორციელებისათვის. ასევე, ძალიან მნიშვნელოვანია, რომ საპენსიო სისტემა სარგებლობდეს კარგი რეპუტაციით. ამას შეიძლება გარკვეული დრო დასჭირდეს, თუმცა ხალხი უნდა დარწმუნდეს, რომ დაგროვება არის სწორი გზა წარმატებული რეფორმისათვის", - განაცხადა ფრანსუა პეშომ.
