ინგლისურმა კომპანია Counterpoint Research-მა სმარტფონების ბაზრის 2018 წლის მესამე კვარტლის კვლევის შედეგები გამოაქვეყნა. კვლევის შედეგად დგინდება, რომ ყველაზე გაყიდვადი ბრენდი კვლავ Samsung-ია.
სმარტფონების ბრენდების TOP-3 ბრენდი ასე გამოიყურება: Samsung, Huawei და Apple, რომელთა წილიც ბაზარზე შესაბამისად: 19%, 14% და 12%-ია. შემდეგ მოდიან ბრენდები Xiaomi, OPPO, Vivo და Lenovo.
უნდა აღინიშნოს, რომ Samsung-ი ყველგან ნომერ პირველი ბრენდი არ არის, სამხრეთ კორეული კომპანია ლიდერობს მხოლოდ ევროპის, აფრიკისა და ლათინური ამერიკის ბაზრებზე.
კვლევა აჩვენებს, რომ აზიაში ყველაზე პოპულარული ბრენდია Oppo, შემდეგ კი მოდიან Huawei, Vivo, Xiaomi და Samsung-ი.
Apple აზიის TOP-5-ში არაა.
სამაგიეროდ „ჩაკბეჩილი ვაშლი“ ლიდერია ჩრდილოეთ ამერიკის ბაზარზე, რომლიც ბაზრის 37%-ს მოიცავს. Samsung-ის წილი 25%-ია. ორი გიგანტის შემდეგ გაყიდვადი სმარტფონების ბრენდებში ლიდერობენ LG და Lenovo.
