თბილისში, რიგის ქუჩაზე, ცეცხლსასროლი იარაღით ორი 40 წლამდე მამაკაცი დაჭრეს.
გავრცელებული ინფორმაციით, ერთ-ერთი მათგანი, პრეზიდენტის სიძის მეგობრის, თორნიკე კაჭარავას ძმაა.
დაჭრილები ამ დრომდე რესპუბლიკურ საავადმყოფოში რჩებიან. მათი მდგომარეობის შესახებ არც ექიმები და არც ახლობლები კომენტარს არ აკეთებენ.
გამოძიება დამამძიმებელ გარემოებაში განზრახ მკვლელობის მცდელობის და ცეცხლსასროლი იარაღის შეძენა-შენახვა-ტარების მუხლებით მიმდინარეობს.
