ქუთაისის საქალაქო სასამართლოში ტყიბულის შახტში მომხდარი აფეთქების საქმეზე დაკავებულების სასამართლო პროცესი მიმდინარეობს.
დღევანდელ სხდომაზე მხარეები შესავალი სიტყვებით წარსდგებიან. დაიკითხებიან მოწმეებიც.
ერთ-ერთი ბრალდებული გოჩა ქასრაშვილი ბრალს არ აღიარებს და დუმილის უფლებას იყენებს. რაც შეეხება დანარჩენ 5 ბრალდებულს, მათ, შესაძლოა, საპროცესო შეთანხმება გაუფორმდეს.
ცნობისთვის, საუბარია, 5 აპრილს მომხდარ აფეთქებას, რასაც ხუთი ადამიანი ემსხვერპლა.
საქმეზე გამოძიება 240-ე მუხლით მიმდინარეობს, რაც სამთო მოპოვებითი სამუშაოების წარმოების დროს უსაფრთხოების ნორმების დარღვევას გულისხმობს. დანაშაული 5-წლამდე თავისუფლების აღკვეთას ითვალისწინებს.
