რუსთავში, ლეონიძის სკვერის მიმდებარე ტერიტორიაზე ორი მამაკაცი უგონო მდგომარეობაში იპოვეს. აღნიშნულ ინფორმაციას „ინფო რუსთავი“ ავრცელებს.
თვითმხილველების თქმით, აღნიშნულმა ორმა მამაკაცმა მძიმე ნარკოტიკული საშუალება ლეონიძის სკვერში მიიღო, რამდენიმე წუთში კი გონება დაკარგეს.
ადგილზე დროულად მივიდა საპატრულო პოლიცია და სასწრაფო სამედიცინო დახმარების ეკიპაჟი. 43 წლის კაცი გონზე მალევე მოვიდა, შედარებით რთული იყო 28 წლის ახალგაზრდის მდგომარეობა. ექიმებმა პაციენტებს ადგილზე გაუწიეს სამედიცინო დახმარება, მოგვიანებით კი საავადმყოფოში გადაიყვანეს.
