ამ საკითხზე დეტალებს ვერ მოგახსენებთ, - ამის შესახებ შინაგან საქმეთა მინისტრის მოადგილე ნათია მეზვრიშვილმა ოთარ ფარცხალაძის საქმესთან დაკავშირებით განაცხადა.
მისი თქმით, საქმეზე მთავარი პროკურატურა განცხადებას ძალიან მალე გაავრცელებს.
„ამ საკითხზე დეტალებს ვერ მოგახსენებთ, პროკურატურა განცხადებას ძალიან მალე გაავრცელებს და დეტალებს იხილავთ. საქმეზე დეტალებს ვერ გეტყვით. ზოგადად, რაც ბოლო პერიოდში, წინასაარჩევნო პერიოდში ხდება, რატომღაც, ყველაფერი არჩევნების თემას უკავშირდება”, – განაცხადა მეზვრიშვილმა.
ცნობისთვის, ოთარ ფარცხალაძეს ბრალი ყოფილი მთავარი აუდიტორის, ლაშა თორდიას ცემის საქმეზე წარედგინა.
