6 ნოემბერს, 20:00 საათზე, ფაბრიკას საკონფერენციო დარბაზში გაიხსნება პროგრამა Social Impact Award-ის საერთაშორისო სამიტი, რომლის ჩატარების ლიცენზიაც წელს საქართველომ, კერძოდ კი Impact Hub Tbilisi-მა მოიპოვა. სამიტის ფარგლებში საქართველოს ეწვევა 150-ზე მეტი ახალგაზრდა მეწარმე მსოფლიოს 25 ქვეყნიდან.
ღონისძიებას დაესწრებიან Social Impact Award-ის აღმასრულებელი დირექტორი იაკობ დეტერინგი, Schwab Foundation-ის სოციალური მეწარმეობის ხელმძღვანელი ქეთრინ მილიგანი, UNDP საქართველოს მუდმივი წარმომადგენელი მუნხტუია ალტანგერელი, ევროპის ფონდის პრეზიდენტი ქეთევან ვაშაკიძე, ამერიკის, ავსტრიის და ჰოლანდიის საელჩოს წარმომადგენლები, მოწვეული სტუმრები.
ღონისძიება ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს მხარდაჭერით ტარდება.
