ზუგდიდის მუნიციპალიტეტის ყოფილი მერისთვის, ლაშა გოგიასთვის და ყოფილი ვიცე-მერისთვის, გია გულორდავასთვის სასამართლო აღკვეთის ღონისძიებაზე სავარაუდოდ, დღეს იმსჯელებს.
პროკურატურა მათთვის აღკვეთის ღონისძიების სახით პატიმრობის შეფარდებას მოითხოვს.
დაკავებულებს ბრალი ოფიციალურად გუშინ წარუდგინეს. გამოძიება მათ საქართველოს სსკ-ის 338-ე მუხლის მე-2 ნაწილის ,,გ“ ქვეპუნქტით და მე-3 ნაწილის „ე“ ქვეპუნქტით გათვალისწინებულ დანაშაულს ედავება, რაც განსაკუთრებით დიდი ოდენობით ქრთამის აღებას გულისხმობს.
გოგია და გულორდავა წარდგენილ ბრალში თავს დამნაშავედ არ მიიჩნევენ.
