საქართველო Doing Business-ის რეიტინგში დაწინაურდა. როგორც დღეს პრემიერ-მინისტრმა სამხრეთ კავკასიაში მსოფლიო ბანკის რეგიონულ დირექტორთან მერსი ტემბონსთან ერთად გამართულ ბრიფინგზე განაცხადა, ბიზნესის კეთების სიმარტივის კუთხით საქართველომ მე-9 პოზიციიდან მე-6 ადგილზე გადაინაცვლა.
„მინდა ყველას მივულოცო საქართველოს წარმატება და მოგაწოდოთ სასიხარულო ინფორმაცია, რომ მსოფლიო ბანკის Doing Business-ის რეიტინგში საქართველო დაწინაურდა და მე-9 პოზიციიდან მე-6 ადგილზე გადმოინაცვლა”, განმარტა მამუკა ბახრაძემ.
პრემიერის თქმით, აღნიშნული რეირინგი ადასტურებს იმას, რომ რეფორმები, რომლებსაც მთავრობა ეკონომიკური მიმართულებით ახორციელებს, წარმატებულად ემსახურება ქვეყნის ეკონომიკურ განვითარებას.
„საქართველო უკვე არის მსოფლიოში ერთ-ერთი ყველაზე საიმედო ქვეყანა ბიზნესის კეთების თვალსაზრისით და ამ მხრივ არ ვაპირებთ მიღწეულით დაკმაყოფილებას”, განმარტა მამუკა ბახტაძემ.
