დღეს, 12:00 საათზე ეკა გიგაური, „საერთაშორისო გამჭვირვალობა-საქართველოს“ აღმასრულებელი დირექტორი თბილისის პოლიციის დეპარტამენტში მივა და გამომძიებელს მუქარის შემცველი პირადი შეტყობინების მიღების ფაქტზე ინფორმაციას მიაწვდის.
შეგახსენებთ, რომ ეკა გიგაურმა გამოძიების დაწყების თაობაზე 16 ოქტომბერს ოფიციალურად მიმართა სამართალდამცავ ორგანოებს მას შემდეგ, რაც სოციალური ქსელით მუქარის შემცველი აგრესიული შეტყობინება მიიღო. მუქარის ავტორი ბილწსიტყვაობასთან ერთად ზუსტად იმავე ფრაზეოლოგიას იყენებდა, რაც პარლამენტის თავმჯდომარემ გამოიყენა არასამთავრობო ორგანიზაციების წინააღმდეგ, როცა ისინი „ფაშიზმის თანამონაწილეებად“ მოიხსენია.
