რუსთავის საქალაქო სასამართლოში ნორიოს ტყეში სამხედრო პირის მკვლელობისთვის ბრალდებული ირაკლი სამხარაძის საქმეზე ნაფიც მსაჯულთა შერჩევის სხდომა მიმდინარეობს.
ის წარდგენილ ბრალში თავს დამნაშავედ არ მიიჩნევს. ნაფიცი მსაჯულების მონაწილეობით საქმის განხილვა მან წინასასამართლო სხდომაზე აირჩია.
შეგახსენებთ, რომ ნორიოს ტყეში სამხედრო მოსამსახურეებს შორის მომხდარი შემთხვევის შედეგად ერთ-ერთმა, სერგო ჯიმშერაშვილმა თავის ტვინის დაზიანებები მიიღო და კომატოზურ მდგომარეობაში საავადმყოფოში იყო, 1 სექტემბერს ის გარდაიცვალა. სერგო ჯიმშერაშვილის გარდაცვალების გამო, ბრალდებულ ირაკლი სამხარაძეს, 3 სექტემბერს ბრალი დაუმძიმდა და მის მიმართ გამოძიება უკვე 117-ე მუხლის მე-2 ნაწილით მიმდინარეობს, რაც ჯანმრთელობის განზრახ მძიმე დაზიანების მიყენებას, რამაც სიცოცხლის მოსპობა გამოიწვია.
