თბილისში, ნაძალადევის რაიონში მოკლული დავით ქმოსტელის საქმეზე, რომელსაც ნაფიცი მსაჯულები განიხილავენ, დღეს საქალაქო სასამართლოში დეტექტივების სამმართველოს უფროსს, იოსებ სიგუას დაკითხავენ. აღნიშნული პირი ხორავას ქუჩაზე მომხდარი მკვლელობის საქმეშიც ფიგურირებს. ის დასაკითხ მოწმეთა სიაში დაცვის მხარეს ჰყავს.
დავით ქმოსტელის მკვლელობის ბრალდებით, ორი პირი, ლევან ყანდორელაშვილი და გიგა ჭალელიშვილი არიან დაკავებულები. ისინი ჩადენილ დანაშაულს არ აღიარებენ.
შეგახსენებთ, რომ თბილისში, ნაძალადევის რაიონში, 4 თებერვალს, დავით ქმოსტელი, იგივე ძივითამოკლეს. ის მკვლელობის დღეს ნათესავთან იმყოფებოდა. სწორედ იქიდან გამოსულს ესროლეს.
მკვლელობიდან მეორე დღეს, სამართალდამცავებმა ლევან ყანდორელაშვილი და გიგა ჭალელიშვილი დააკავეს.
გამოძიების ინფორმაციით, ბრალდებულებს კონფლიქტი ჰქონდათ მოკლულთან. დაცვის მხარის ინფორმაციით კი, ეს სიმართლეს არ შეესაბამება და ბრალდებულთაგან ერთი პირი მოკლულს საერთოდ არც იცნობდა. მათივე ცნობით, ბრალდების მხარეს საქმეში მტკიცებულებები არ აქვს.
