ბრიტანული ავიაკომპანია easyJet-ი 2027 წლიდან ელექტრო სამგზავრო თვითმფრინავების გამოყენებას გეგმავს.
როგორც ცნობილია, გასულ წელს ევროპის სიდიდით მეორე ავიაგადამზიდავმა საკუთარ გეგმებში ეკოლოგიურად სუფთა თვითმფრინავების გამოყენება დაისახა მიზნად, რომელიც ასევე ნაკლებ ხმაურსაც გამოსცემს.
easyJet-ი პროექტის განხორციელებას ამერიკულ სტარტაპერ Wright Electric-თან ერთად აპირებს.
ამ დროისათვის Wright-ი 9 მგზავრზე გათვლილი თვითმფრინავის ელექტრონული ძრავის შექმნაზე მუშაობს, რომელიც ოპერირებას მომავალი წლიდან შეუდგება.
არსებული გათვლებით, ელექტრონულ თვითმფრინავს 500 კმ-ის დაფარვა შეეძლება, რაც იმას ნიშნავს, რომ easyJet-ი მას ისეთ პოპულარულ მარშრუტზე გამოიყენებს, როგორიცაა მაგალითად ლონდონი-ამსტერდამი.
