ჩუღურეთის საარჩევნო ოლქში დააფიქსირა თავის არჩევანი ფინანსთა მინისტრმა, ივანე მაჭავარიანმა. როგორც ფინანსთა მინისტრმა აღნიშნა, მან ხმა მისცა ქვეყნის კეთილდღეობასა და ეკონომიკურ წინსვლას.
"ძნელი მისახვედრი არ არის, ვის და რას მივცემდი ხმას. ხმა მივეცი სტაბილურ, ევროპულ განვითარებას, ამ ქვეყნის კეთილდღეობასა და ეკონომიკურ წინსვლას. აქედან გამომდინარე, მგონია, რომ ხვალინდელი დღე უკეთესი იქნება. არჩევნები ძალიან მშვიდად, კანონის სრული დაცვით მიმდინარეობს, არამარტო ჩემს სკოლაში, ჩემს უბანში, სადაც დავიბადე და გავიზარდე, არამედ მთელი საქართველოს მასშტაბით,“ - განაცხადა ფინანსთა მინისტრმა, ივანე მაჭავარიანმა.
