ხორავას ქუჩაზე მოკლული დავით სარალიძის მამა, ზაზა სარალიძე, რომელიც გუშინ პარლამენტის შენობის წინ დააკავეს, დღეს კლინიკაში მისმა ადვოკატმა, ნესტან ლონდარიძემ მოინახულა.
როგორც ის აცხადებს, პაციენტის მდგომარეობა სტაბილურია. მისივე თქმით, სარალიძეს ბრალი სავარაუდოდ, ხვალ წარედგინება, მაგრამ დეტალებზე საუბრისგან ადვოკატი ჯერჯერობით თავს იკავებს.
ცნობისთვის, სარალიძე სამართალდამცავებზე თავდასხმის ბრალდებით, სსკ-ის 353-ე პრიმა მუხლით არის დაკავებული. ის სასწრაფო სამედიცინო დახმარების ჯგუფმა ინგოროყვას კლინიკაში შინაგან საქმეთა სამინისტროდან გადაიყვანეს, სადაც სარალიძე შეუძლოდ გახდა.