27 ოქტომბერს, წინანდლის ისტორიულ მამულში საქართველოში და რეგიონში პირველი „რადისონ ქოლექშენ“-ის ბრენდის სასტუმროს პრეზენტაცია გაიმართება.
პრეზენტაციის ცერემონიალში მონაწილეობას საქართველოს პრემიერ-მინისტრი მამუკა ბახტაძე. „საპარტნიპრო ფონდის“ აღმასრულებელი დირექტორი დავით საგანელიძე. „სოლქ როუდ ჯგუფის“ დამფუძნებელი გიორგი რამიშვილი, „თი ბი სი“ ბანკის დამფუძნებელი მამუკა ხაზარაძე; ასევე, საქართველოს მთავრობის, პარლამენტის, ასევე, ქვეყნის ბიზნეს სექტორის, ტურიზმის, მრეწველობისა და სხვა სფეროებში მოღვაწე ბიზნეს კომპანიების წარმომადგენლები მიიღებენ.
„რადისონ ქოლექშენის“ სასტუმროს პროექტი „საპარტნიორო ფონდის“ ხელშეწყობით განხორციელდა. სასტუმროს პროექტის ჯამური ღირებულებაა 35 მლნ აშშ დოლარია, საპარტნიორო ფონდის დაფინანსება 10 მლნ აშშ დოლარი. პროექტის დამფინანსებელია ასევე თიბისი ბანკი. წინანდლის ისტორიულ კომპლექსში საერთო ინვესტიცია დაახლოებით 60 მილიონ დოლარს შეადგენს.
5-ვარსკვლავიან სასტუმროში არის 142 ნომერი, საკონფერენციო და საზეიმო ღონისძიებათა დარბაზები, ბიბლიოთეკა, ღია და დახური რესტორნები, სპა-ცენტრი, აუზი, ფიტნეს კლუბი.
განახლებული წინანდლის კომპლექსი მოიცავს: 1200 ადგილიან ამფითეატრს, 600-ადგილიან დახურულ საკონცერტო დარბაზს, უახლესი ტექნოლოგიით აღჭურვილ ღვინის ქარხანას, აღდგენილ ვენახებს და ახლა უკვე მაღალი კლასის სასტუმროს.
ამავე დღეს წინანდლის მამულში ხელი მოეწერება მემორანდუმს საქართველოს მთავრობას და ამერიკულ ჰუმანიტარულ ფონდს Grace Farms Foundation და საერთაშორისო ჰუმანიტარულ მოძრაობას Unchain შორის, რომლის თანახმად მომდევნო 10 წლის განმავლობაში ქვეყნის პრიორიტეტები იქნება შრომის უმაღლესი ეთიკური სტანდარტების დანერგვა, საქართველოს გადაქცევა 100%-ით მწვანე, მდგრად და ტექნოლოგიურად განვითარებულ ქვეყნად.
