თბილისის საქალაქო სასამართლოში ხმაური იყო. ბუტა რობაქიძის მამა, სოსო რობაქიძე ბრალდებულებს სიტყვიერად დაუპირისპირდა.
მას სასამართლოს შენობა მანდატურის სამსახურის თანამშრომლებმა დაატოვებინეს.
შეგახსენებთ, სოსო რობაქიძე რამდენიმე სხდომის წინ, მოსამართლე დავით მგელიაშვილმა სასამართლოს დარბაზიდან წესრიგის დარღვევის გამო გააძევა.
დღეს სასამართლოში ჩვენებას ერთ-ერთი ბრალდებული, გურამ დონაძე მისცემს.
ბუტა რობაქიძის მკვლელობის საქმეზე შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების გადამეტების საქმეზე ბრალდებულია 5 პირი: გურამ დონაძე, ზაზა ბაქრაძე, ზურა მიქაძე, ირაკლი ფირცხალავა და დავით იაშვილი არიან ბრალდებული.
ერთ-ერთი ბრალდებული, კრიმინალური პოლიციის ყოფილი უფროსი, ზაზა ბაქრაძე, რომელიც თბილისის საერთაშორისო აეროპორტში 28 თებერვალს დააკავეს, 30 მარტს, 5 000 ლარიანი გირაოს სანაცვლოდ სხდომათა დარბაზიდან გაათავისუფლეს.
