ხმაური იყო თბილისის საქალაქო სასამართლოში ბუტა რობაქიძის საქმის განხილვაზე.
სასამართლოში ჩვენებას დიდუბე-ჩუღურეთის პოლიციის ყოფილი უფროსი, ირაკლი ფირცხალავა აძლევდა, რა დროსაც დარბაზში ბუტა რობაქიძის დედას, ია მეტრველსა და ფირცხალავას შვილებს შორის დაპირისპირება მოხდა.
მოსამართლემ დავით მგელიაშვილმა ხმაურის გამო დამსწრეებს სხდომათა დარბაზი დაატოვებინა.
ცნობისთვის, ბუტა რობაქიძის მკვლელობის საქმეზე შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების გადამეტების
საქმეზე ბრალდებულია 6 პირი: გურამ დონაძე, ზაზა ბაქრაძე, ზურა მიქაძე, ლევან გვაზავა, ირაკლი ფირცხალავა და დავით იაშვილი.
ერთ-ერთი ბრალდებული, კრიმინალური პოლიციის ყოფილი უფროსი, ზაზა ბაქრაძე, რომელიც თბილისის საერთაშორისო აეროპორტში 28 თებერვალს დააკავეს, 30 მარტს, 5 000 ლარიანი გირაოს სანაცვლოდ სხდომათა დარბაზიდან გაათავისუფლეს.
