ბუტა რობაქიძის მკვლელობის საქმეზე შსს-ს ყოფილი მაღალჩინოსნების მხრიდან სამსახურეობრივი უფლებამოსილების ბოროტად გამოყენების საქმეზე ამ წუთებში, ერთ-ერთი ბრალდებული, ირაკლი ფირცხალავა იკითხება.
ის თავისუფალ რეჟიმში ჰყვება გამოძიების ეტაპზე მის გამოკითხვას.
ბრალდების მხარემ უკვე დაასრულა საკუთრი მტკიცებულებების გამოკვლევა.
გასულ სხდომაზე დაცვის მხარემ საკუთარი მოწმეთა სიიდან კრიმპოლიციის ყოფილი უფროსი, ზურა მიქაძე დაკითხა.
ცნობისთვის, ბუტა რობაქიძის მკვლელობის საქმეზე შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების გადამეტების
საქმეზე ბრალდებულია 6 პირი: გურამ დონაძე, ზაზა ბაქრაძე, ზურა მიქაძე, ლევან გვაზავა, ირაკლი ფირცხალავა და დავით იაშვილი.
ერთ-ერთი ბრალდებული, კრიმინალური პოლიციის ყოფილი უფროსი, ზაზა ბაქრაძე, რომელიც თბილისის საერთაშორისო აეროპორტში 28 თებერვალს დააკავეს, 30 მარტს, 5 000 ლარიანი გირაოს სანაცვლოდ სხდომათა დარბაზიდან გაათავისუფლეს.
