ეჭვებს და მინიშნებებს გამოძიება, ასევე მტკიცებულებები სჭირდება და არა „რუსთავი 2“, – ამის შესახებ საქართველოს ყოფილმა პრემიერ–მინისტრმა ბიძინა ივანიშვილმა სამ ჟურნალისტთან ინტერვიუზე, მთავრობაში კორუფციის შესაძლებლობასთან დაკავშირებით განაცხადა.
მისი თქმით, რაც შეეხება განცდებს კორუფციასთან დაკავშირებით, ეს განცდები ლაგდება ძირითადად „რუსთავი 2“–დან. მისი თქმით, ის არ ამბობს, რომ იდეალური მთავრობა გვყავს. იდეალური ხელისუფლება მსოფლიოში არსად არ არის.
„ვის დავუჯეროთ, „რუსთავი 2“–ს, თუ სტატისტიკას?!“, – თქვა ივანიშვილმა.
რაც შეეხება დიმიტრი ქუმსიშვილისა და ზურაბ ალავიძეს, ივანიშვილმა განაცხადა, რომ მხოლოდ ეჭვებია მათ მიმართ და არავითარი არგუმენტები არ არსებობს.
„ქუმსიშვილი–ალავიძე პროკურატურაში იყვნენ დაბარებული. როგორც ვიცით, კითხვები აქვთ მათ მიმართ, ჯერ საბუთები არ გამოქვეყნებულა. არავითარი არგუმენტები არ გვაქვს, მხოლოდ ეჭვებია მათ მიმართ. ეჭვებს და მინიშნებებს გამოძიება და მტკიცებულებები სჭირდება და არა „რუსთავი 2“, – დასძინა ბიძინა ივანიშვილმა.
