შინაგან საქმეთა სამინისტროს ინფორმაციით, ედიშერ სიგუა სამართალდამაცველებმა ადმინისტრაციულ სამართალდარღვევათა კოდექსის 173-ე მუხლის შესაბამისად დააკავეს, რაც პოლიციელის კანონიერი მოთხოვნის დაუმორჩილებლობას გულისხმობს. სენაკის რაიონული სასამართლოს მიერ იგი 1000 ლარით დაჯარიმდა.
37 წლის ედიშერ სიგუა მარტვილის პოლიციას ძალადობასა და არაადამიანურ მოპყრობაში ადანაშაულებს. როგორც დაზარალებული "რუსთავი 2"-თან საუბარში აღნიშნავს, ის ნასვამ მდგომარეობაში დააკავეს და ჯერ გზაში, შემდეგ კი პოლიციის განყოფილებაში სცემეს. ედიშერ სიგუას ოჯახი ექსპერტიზის ჩატარებას ითხოვს და გამოძიებისთვის პროკურატურას მიმართავს.
