თემქაზე მოკლული 20 წლის ანა ნაცვიშვილის საქმეზე დღეს, თბილისის საქალაქო სასამართლოში ბრალდებულ ლადო გრიგალაშვილის მამა, პატრულ-ინსპექტორი, ზაქარია გრიგალაშვილი დაიკითხება.
ის დაცვის მხარის მოწმეა.
თუ რა ჩვენებას მისცემს სასამართლოს გრიგალაშვილი, ეს უცნობია.
შეგახსენებთ, რომ მოკლული გოგონას მამა, მამუკა ნაცვლიშვილი გრიგალაშვილის სამართალდამცავი უწყებიდან გათავისუფლებას ითხოვს. აღნიშნულთან დაკავშირებით ნაცვლიშვილსა და შინაგან საქმეთა მინისტრ, გიორგი გახარიას შორის შეხვედრაც გაიმართა.
ცნობისთვის, 20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.
