საქართველოს ეკონომიკისა და მგდრადი განვითარების სამინისტროს საკონკურსო-საატესტაციო კომისიის გადაწყვეტილებით ადმინისტრაციის საფინანსო, სახელმწიფო შესყიდვებისა და ლოჯისტიკის დეპარტამენტის უფროსის ვაკანტურ თანამდებობაზე კონკურსში გამარჯვებული - ზაზა ჩიკვაიძე დაინიშნა.
იურიდიული დეპარტამენტის უფროსის ვაკანტურ თანამდებობაზე დაინიშნა კონკურსში გამარჯვებული - ვახტანგ ბოცვაძე.
კავშირგაბმულობის, საინფორმაციო ტექნოლოგიებისა და ინოვაციების დეპარტამენტის საფოსტო კავშირის სამმართველოს უფროსის ვაკანტურ თანამდებობაზე დაინიშნა კონკურსში გამარჯვებული - სოფიო თავლავაძე.
სახელმწიფო ქონების მართვის პოლიტიკის დეპარტამენტის უფროსის ვაკანტურ თანამდებობაზე გამოცხადებული კონკურსი ჩაშლილად გამოცხადდა.
ასევე, ჩაშლილად გამოცხადდა პრივატიზების დეპარტამენტის ტერიტორიულ ორგანოებთან ურთიერთობის სამმართველოს უფროსის ვაკანტურ თანამდებობაზე გამოცხადებული კონკურსი.
