18 ოქტომბერს, 11:30 საათზე, სასტუმრო სტამბაში, გაეროს სურსათისა და სოფლის მეურნეობის ორგანიზაცია (FAO) და საქართველოს გარემოს დაცვისა და სოფლის მეურნეობის სამინისტრო საქართველოში აკრედიტებულ ელჩებთან, საერთაშორისო ორგანიზაციებისა და საქართველოს მთავრობის წარმომადგენლებთან ერთად მსოფლიო სურსათის დღეს აღნიშნავენ.

ღონისძების ფარგებში გაიმართება წიგნის - „ნადირობისა და ტყით სარგებლობის ტრადიციები ძველ საქართველოში“ - პრეზენტაცია. ალბომში შესულ უძველეს და უნიკალურ ქართულ ხელნაწერებს, დოკუმენტებსა და ილუსტრაციებს ნადირობისა და ტყის თემებზე, სპეციალურად ამ დღისთვის, კორნელი კეკელიძის სახელობის საქართველოს ხელნაწერთა ეროვნული ცენტრი გამოფენის სახით წარმოადგენს

„მსოფლიო სურსათის დღე“  150-ზე მეტ ქვეყანაში და, მათ შორის, საქართველოშიც აღინიშნება. ღონისძიებას ყოველწლიურად FAO და საქართველოს სოფლის მეურნეობის სამინისტრო მასპინძლობენ და ერთობლივი პროექტების ფარგლებში გასული ერთი წლის მნიშვნელოვან შედეგებს აჯამებენ. წელს წარმოდგენილი იქნება სოფლის მეურნეობისა და სოფლის განვითარების პროგრამების, ცხოველთა იდენტიფიკაცია-რეგისტრაციის სისტემების, ნადირობისა და ველური ბუნების მენეჯმენტის შესახებ პროექტების ფარგლებში მიღწეული შედეგები.