მინდა მოგმართოთ ქართველ ჯარისკაცებს, რომ მიუხედავად პოლიტიკური დებატებისა, თქვენი წმინდა მოვალეობაა, დაიცვათ საქართველოს ტერიტორიული მთლიანობა, - ამის შესახებ საქართველოს პრეზიდენტმა გიორგი მარგველაშვილმა დღეს გამართულ ბრიფინგზე ქართველი სამხედროების მისამართით განაცხადა.
პრეზიდენტის თქმით, სამხედროების გმირობა იყო და იქნება დაფასებულია და ამის თაობაზე კითხვები არ დაისმება.
„თქვენი გმირობა ბრძოლის ველზე იყო და იქნება დაფასებული. ამის თაობაზე კითხვები არ დაისმება. ქართველი ხალხი მადლიერია თქვენი თავგანწირვის. საქართველო, რომელიც ოკუპირებულია რუსეთის მიერ, რომელიც უსამართლო და უსაფუძვლო ომში იქნა თავდასხმის ობიექტი, ამ საქართველოსთვის სამსახურს მოქალაქეები გიფასებენ და ამისთვის მადლიერები არიან“,- განაცხადა მარგველაშვილმა.
